Логос Оксфорд курсевите за возрасни се наменети за слушатели од 16 до 60-годишна возраст. Изучувањето е преку ситуации од вистинскиот живот, примена на секојдневна комуникација, преку запознавање и соживување со личности и теми од вистинскиот живот.

Се учи применетиот секојдневен говор, автентична граматика и фонд на зборови презентирани на едноставен и интересен начин преку бројни јазични активности и игри, многу работа во парови и групи со посебен акцент на развивање на вештината на комуникација.

Како и кај сите останати курсеви во Логос Оксфорд, следењето на напредувањето на слушателите е постојано преку усни и писмени проверки и доколку се појави некој проблем, слушателите секогаш имаат на располагање дополнителни часови за консултации.

Редовни и интензивни курсеви за возрасни

Курсевите за возрасни се организирани на четири нивоа: "A - D Adult". Слушателите кои успешно ќе го завршат "D Adult" - нивото можат да го полагаат испитот Final Diploma и продолжуваат на курсот - Cerificate Class каде се подготвуваат за полагање на светски признатите дипломи.

На курсевите за возрасни се користат најсовремени учебници од серијата New Headway од Liz & John Soars (OUP).

Изборот на текстови проследени со достапни и мотивирачки задачи обезбедува развивање и достигнување на флуентност не само во активностите на слушање и читање, туку и зборување.

Овие учебници вклучуваат исклучителна рамнотежа на лингвистичките целини, во презентирањето на граматиката, фондот на зборови, како и на "секојдневниот говор" или говорот во вистински ситуации од животот.

Kурсевите се надополнуваат со видео-програма која се базира на извештаи за вистински збиднувања и теми од општ интерес проследени со драматични секвенци во кои во вистински ситуации се демонстрира примената на јазикот.

Хиперинтензивни курсеви за возрасни

За навистина зафатените возрасни и постари тинејџери кои очекуваат навистина брзи резултати и напредок, кои претпочитаат брз и краткотраен курс за усвојување на основите на јазикот и секојдневниот говор, Логос Оксфорд нуди краток хиперинтензивен курс составен од 3 модули.

Првиот модул е наменет за апсолутни почетници. Се користи практичниот учебник Headstart Beginner од Briony Beaven with Liz & John Soars (OUP) наменет за крајно зафатени возрасни и/или млади луѓе, апсолутни почетници кои за прв пат се сретнуваат со странски јазик и на кои им е неопходно усвојување на англискиот јазик за многу краток временски период.

По завршувањето на овој модул слушателите можат да продолжат со вториот модул кој води до предсредно ниво на познавање на англискиот јазик, а понатаму продолжуваат со третиот модул за достигнување на средното ниво.

Хиперинтензивниот курс креиран за оние што сакаат да постигнат брз напредок е краток, интензивен и предизвикувачки. Посебен акцент се става на основните структури и функции на јазикот. Наставната програма темелно ги обработува предвидените јазични целини кои потоа одново се повторуваат и применуваат во најразлични ситуации и контексти.

----------		Photo Gallery
---------