Pre-Junior Course:

Pre-Junior курсевите се специјално подготвени за деца на возраст од пет до седум години, бидејќи се смета дека тоа е најсоодветната возраст да се започне со изучување на странски јазици зошто јазикот тогаш се учи многу лесно и со задоволство.

Нашите курсеви и изборот на наставните материјали го мотивираат детето и му помагаат да создаде позитивен став кон изучувањето на странските јазици.

Во процесот на учењето употребуваме многу сликовит учебник со богат избор активности кои вклучуваат игри, песни, слушање и вежби, учење стихови и изработка на интересни проекти. Во текот на курсот учениците ја развиваат и вештината на слушање и изговор, учат да дадат основни информации за себе и чекор по чекор навлегуваат во основите на англискиот јазик.
Методите кои се применуваат во овој курс поттикнуваат соработка, самопочит и почит кон другите во процесот на учење.

"A and B Junior" Courses:

Курсевите се наменети за учениците од основно училиште, од второ до петто одделение.
Како и кај Pre-Junior курсот, и тука наставните материјали и техники ги мотивираат младите слушатели и помагаат учењето на јазикот да прерасне во вистинско задоволство, а не здодевна обврска.

Логос учениците работат со учебници специјално дизајнирани за нашата компанија, кои содржат приказни во продолженија со мноштво разнобојни илустрирани страници, вежби за читање и активности за подобрување на прецизноста и флуентноста во јазикот.
Учениците ги сакаат главните личности и лесно се соживуваат со нив. Работната тетратка содржи дополнителни материјали за вежби и писмени домашни задачи, а се надополнува со аудиокасета која им помага на учениците да ги развијат говорните вештини.
Јуниор курсевите се проследени со дополнителни материјали на лектири и видео - програма.

Напредокот на учениците се надгледува во текот на целата учебна година преку бројни тестови изготвени од нашите образовни консултанти.
Како и за сите наши слушатели, така и за најмалите Логос ученици, доколку има некој проблем се организираат дополнителни часови за консултации.

----------		Photo Gallery
---------