Логос Оксфорд, секое лето, организира летни кампови за изучување на англискиот јазик. Нашите ученици имаат можност летниот распуст да го поминат во летните кампови на Логос Оксфорд каде низ дружење, најразновидни културни и спортски активности ќе го изучуваат англискиот јазик. Основната цел на овие летни кампови е на забавен начин да ги мотивираме учениците да го користат англискиот јазик како единствен начин на комуникација. Наша основна заложба е учениците да ги сместиме во соби со деца од различни земји за да обезбедиме поголема мотивација за примена на англискиот јазик. Оваа година нудиме две можности во Англија и во Битола, на Баба планина.

Clacton on Sea, Англија - две недели

Како понуда за тинејџери од 13 до 17 години ова е идеално одредиште во кое се соединети часовите по англиски јазик со програмата за општествени активности во многунационално опкружување за одмор. Сместувањето е во англиско семејство како единствена можност да се навлезе подлабоко и во англиската култура покрај изучувањето на англискиот јазик.

Ова целосно доживување е надополнето уште и со четири организирани екскурзии.

Holmwood House, Англија - две недели

Наменето за помали деца на возраст од 7-12 години, одморалиштето Холмвуд оддава чувство на класичен англиски интернат.

Часовите по англиски се проследени со богата општествена програма и бројни дополнителни активности. Воспитувачите се со учениците во училиштето и во текот на четирите организирани екскурзии.